Жилой дом16 этажей
- Материал стенКирпич
В доме 1 подъезд
Парковка
45 местБесплатная
Şəhid Məmmədov N.H.
AZƏRBAYCAN RESPUBLİKASI DÖVLƏT SƏRHƏD XİDMƏTİ ÇEVİK HƏRƏKƏT QÜVVƏLƏRİNİN ÇEVİK HƏRƏKƏT DƏSTƏSİNİN BAŞ GİZİRİ ŞƏHİD MƏMMƏDOV NAHİD HÜSEYNAĞA OĞLU Məmmədov Nahid Hüseynağa oğlu 09 may 1990-cı ildə Cəlilabad rayon Vənlik kəndində anadan olmuşdur. 1996-2007-ci illərdə Cəlilabad rayon Vənlik kənd tam orta məktəbini bitirdikdən sonra Dövlət Sərhəd Xidmətinin Zaqatala Sərhəd Dəstəsinin 8-ci sərhəd zastavasında müddətli həqiqi hərbi xidmət dövrünü keçmişdir. Zaqatala Sərhəd Dəstəsində xidmət etdiyi müddət ərzində yüksək peşəkarlıq nümayiş etdirərək 2 halda Azərbaycan Respublikasının dövlət sərhədini pozmağa cəhd edən sərhəd pozucularını yaxalayaraq Dövlət Sərhəd Xidməti rəisi tərəfindən “Sərhədçi döş nişanı” medalı ilə və 10 gün növbədən kənar məzuniyyətlə təltif edilmişdir. Sərhədçi peşəsinə olan sevgisi hərbi xidmət dövründə yaranmışdır. Bu səbəbdən hərbi xidmətini bitirdikdən sonra könüllü olaraq 2010-cu il tarixdə Dövlət Sərhəd Xidmətinin sıralarında gizir qismində xidmətə başlamışdır. Şəmkir Sərhəd Dəstəsinin Çevik Hərəkət Taborunda gizir qismində xidmət etdiyi müddətdə öz çevikliyi ilə hər zaman fərqlənən hərbi qulluqçu olmuşdur. 2018-ci ildə Çevik Hərəkət Dəstəsində xidmət etmək üçün “Çeviklərin Seçim Kursu”na cəlb edilmişdir. Kursu müvəffəqiyyətlə bitirdikdən sonra Çevik Hərəkət Dəstəsində xidmətini davam etdirmişdir. Çevik Hərəkət Dəstəsində xidmət etdiyi dövrdə “İstehkamçı”, “Paraşütçü”, “Snayperçi” və Türkiyə Respublikasında “Dağ Komando” kurslarını müvəffəqiyyətlə bitirmişdir. Çevik Hərəkət Dəstəsində təşkil edilən “Çeviklərin Seçim Kursu”larında təlimatçı kimi də fəaliyyət göstərmişdir. Nahid Məmmədov Qazax Əlahiddə Sərhəd Diviziyasının xidməti ərazisində düşmən tərəfindən törədilmiş təxribatların qarşısının alınmasında və xüsusi tapşırıqların icrasında iştirak edərək öz peşəkarlığını nümayiş etdirmişdir. Nahid Məmmədov rəşadətli Azərbaycan Ordusunun sıralarında Müzəffər Ali Baş Komandanın rəhbərliyi altında Azərbaycan Respublikasının ərazi bütövlüyü uğrunda gedən 44 günlük Vətən müharibəsində, 30 illik Vətən həsrətinə son qoyulmasında yaxından iştirak etmişdir. 44 günlük Vətən müharibəsində Zəngilan rayonunda 3 nöqtə adlanan yüksəkliyin azad olunmasında xüsusi şücaət göstərərək bir neçə düşməni məhv etmişdir. 12 sentyabr 2022-ci il tarixdə Ermənistan silahlı qüvvələri tərəfindən Zəngilan rayonu istiqamətində törədilən genişmiqyaslı təxribatın qarşısını alarkən xüsusi qəhrəmanlıq göstərmiş, əvvəlcə düşmənin ilk postunu ələ keçirilməsində bir neçə düşməni məhv edərək düşmənin yerləşdiyi yataqxanaya daxil olaraq 2 nəfəri əsir götürmüş, daha sonra düşmənin növbəti postunun ələ keçirilməsi əməliyyatında çox sayda düşməni məhv edib, igidlik və mərdlik göstərərək şəhadətə ucalmışdır! Nahid Məmmədov Cəlilabad rayon Vənlik kəndində dəfn olunub. Nahid Məmmədovun Şəhriyar adlı oğlu və Yağmur adlı qızı vətənə yadigar qaldı! Nahid Məmmədov xidmət etdiyi dövrdə Müzəffər Ali Baş Komandan və Dövlət Sərhəd Xidmətinin rəisi tərəfindən aşağıda qeyd edilən orden və medallarla təltif edilmişdir: “AZƏRBAYCAN BAYRAĞI” ORDENİ “VƏTƏN UĞRUNDA” MEDALI “İGİDLİYƏ GÖRƏ” MEDALI “ZƏNGİLANIN AZAD OLUNMASINA GÖRƏ” MEDALI “VƏTƏN MÜHARİBƏSİ İŞTİRAKÇISI” MEDALI “QÜSURSÜZ XİDMƏTƏ GÖRƏ 3-CÜ DƏRƏCƏLİ” MEDALI “AR SQ 95 İLLİYİ (1918-2013)” YUBİLEY MEDALI “AR Sərhəd Mühafizəsinin 95 İLLİYİ (1919-2014)” YUBİLEY MEDALIТранспорт
Ази Асланов15 мин1.5 км
🍪
Мы используем cookies подробнее